Get aldrei ákveðið mig

Ég hef ákveðið að færa mig aftur yfir á blog.central.is - ástæðan er einföld, ég kann betur á það :/ Haha...

www.blog.central.is/hreindis89

Búðin mín, litla Hryllingsbúðin...

Halló allir saman!

Ég fór í leikhús í gærkvöldi, SURPRISE! Við fjölskyldan skelltum okkur á Litlu Hryllingsbúðina á Akureyri í gær. Tókum bara rúntinn í gær og vorum komin um fjögur norður. Fórum þá í íbúðina sem við höfðum fyrir norðan og komum okkur fyrir. Svo skelltum við okkur á rúntinn og vorum alveg ekta sunnanlandsfólk á Akureyri, keptum okkur ís í Brynju og svona...

Við borðuðum á Greifanum um kvöldið. Það er alltaf svo góður matur þar. Sýningin var ekki fyrr en klukkan 10 um kvöldið svo við höfðum alveg nægan tíma. Þetta var alveg frábær skemmtun þessi sýning. Leikhópurinn stóð sig frábærlega og rosalega margt sniðugt í þessari uppfærslu. Andrea Gylfadóttir náttúrulega snilld sem plantan. Og annað...eins og þetta er lítið svið þá var alveg ótrúlega vel nýtt. Lýsingin var líka alveg frábær. Sýningin stóð að minnsta kosti alveg undir þeim miklu væntingum sem ég hafði fyrir sýninguna. Svo kíkti ég á þau Denna og Ardísi eftir sýninguna en þessar elskur leika bæði í sýningunni. Hann stjórnar plöntunni og hún er ein af götustelpunum þremur, eiginlega bara aðalskvísan, syngur mest.

Það kom mér eiginlega svolítið á óvart hvað það er mikið pláss þarna bakvið. Þau eru alveg hver með sitt búningsherbergi og svona. Ég hafði einhvernveginn alltaf ímyndað mér að það væri lítið pláss þarna bakvið.

Á föstudaginn fórum ég og mamma á Katie Melua. Það var rosalega gaman. Það sem hún getur sungið þessi stelpa. Hún stóð líka undir væntingum. Haha...svo var bassaleikarinn sem var með henni ekkert nema kúlið. Ung stelpa, rosalega stelpuleg stelpa meira að segja, með svona Dorothy-liðað hár alveg ljóst og voða fínlegt andlit. Svo var hún svo svaðalegur töffari alveg ísköld sko. Í svörtum buxum og svartri skyrtu með svartan hatt, svo var hún í hvítum leðurstígvélum og með hvítan bassa. Stóð svo uppi á sínum palli og spilaði og hreyfði bara hausinn í takt við lagið og kom svo öllum á óvart með því að taka svona rokkstjörnuhopp niður af pallinum. Bara svöl sko...

En eitt sem ég fór að hugsa á þessum tónleikum, afhverju ætli fólk tali svona mikið saman þegar það er að hlusta á tónleika. Skil það ekki alveg. Það var þarna fólk við hliðina á okkur sem talaði hátt allan tímann eða þangað til að mamma þaggaði niður í þeim! Er fólk ekki komið til að hlusta eða hvað? Er ég kannski bara að misskilja?

En ég kveð að sinni í þetta skipti frá Sauðárkróki hjá ömmu og afa.

Hreindís Ylva

Mánudagur 27. mars 2006 kl. 19:47 - Fullorðin?

Já, hún Steinunn elska á afmæli í dag! 17 ára snótin. Ég óska henni innilega til hamingju með daginn og vonandi hefur þetta verið æðislegur dagur elskan. Takk fyrir æðisleg kynni, þú ert bestust og ég tel mig ekkert smá heppna að hafa fengið tækifæri til að kynnast þér og vinna með þér í leikhúsinu. Vonandi munum við vinna saman aftur! Þú átt allt það besta í heiminum skilið og ég vona að allir þínir draumar rætist!

Og eitt enn, ég mundi eftir afmælinu þínu, hohoho...!

Elska þig!

Þín Hreindís


Shoot for the moon, if you miss, at least you will lend among stars.

Fimmtudagurinn 23. mars 2006 kl. 13:17

Hérna er svona spurningadæmi sem er búin að sjá á allnokkrum heimasíðum núna svo ég ákvað bara að skella mér í að gera þetta sjálf.

( ) Drukkið áfengi
( ) klesst bíl vinar/vinkonu
( ) stolið bíl
( ) verið ástfanginn
( ) verið sagt upp af kærasta/kærustu
(X) faðmað einhvern ókunnugann
( ) verið rekin/n
(X) lent í slagsmálum (ekki samt eitthvað svona alvarlegt)
( ) læðst út meðan þú bjóst ennþá heima hjá foreldrunum
( ) haft tilfinningar til einhvers sem endurgalt þær ekki
( ) verið handtekin/n
( ) farið á blint stefnumót
(X) logið að vini/vinkonu
( ) skrópað í skólanum
( ) horft á einhvern deyja
( ) farið til Canada
( ) farið til Mexico
(X) ferðast í flugvél
( ) kveikt í þér viljandi
( ) borðað sushi (en langar að prófa)
( ) farið á sjóskíði
(X) farið á skíði (eitt það allra leiðinlegasta sem ég hef prófað!)
( ) hitt einhvern sem þú kynntist á internetinu
(X) farið á tónleika
(X) tekið verkjalyf
(X) elskar einhvern eða saknar einhvers akkurat núna
(X) legið á bakinu úti og horft á skýin
(X) búið til snjóengil
(X) haldið kaffiboð
(X) flogið flugdreka
(X) byggt sandkastala
(X) hoppað í pollum
(X) farið í "tískuleik"
(X) hoppað í laufblaðahrúgu
(X) rennt þér á sleða
(X) grátið svo mikið að þér finnst þú aldrei ætla að hætta
(X) svindlað í leik..:p
(X) verið einmana
(X) sofnað í vinnunni/skólanum (frammi á gangi já, ef það telst með, en ekki í tíma)
( ) notað falsað skilríki
(X) horft á sólarlagið
(X) fundið jarðskjálfta
( ) sofið undir berum himni
(X) verið kitluð/kitlaður
( ) verið rænd/rændur (ekki svo ég viti)
(X) verið misskilin/n
(X) klappað hreindýri/geit/kengúru
( ) farið yfir á rauðu ljósi/virt stöðvunaskyldu að vettugi
( ) verið rekin/n eða vísað úr skóla
(X) lent í bílslysi (árekstri en ekkert hættulegt)
( ) verið með spangir/góm
(X) liðið eins og þú passaðir ekki inn í/þriðja hjól undir vagni
( ) borðað líter af ís á einu kvöldi
(X) fengið deja vu
(X) dansað í tunglskininu (ekkert rómantískt, bara á útiballi)
(X) fundist þú líta vel út
( ) verið vitni að glæp
(X) efast um að hjartað segði þér rétt til
(X) verið gagntekin/n af post-it miðum (ekki post-it heldur svona merkimiðum sem maður notar inn í bækur)
(X) leikið þér berfætt/ur í drullunni
(X) verið týnd/ur
(X) synt í sjónum
( ) fundist þú vera að deyja
(X) grátið þig í svefn
(X) farið í löggu og bófa leik
(X) litað nýlega með vaxlitum
(X) sungið í karaókí
(X) borgað fyrir máltíð eingöngu með smápeningum
(X) gert eitthvað sem þú lofaðir sjálfri/sjálfum þér að gera ekki
(X) hringt símahrekk
( ) hlegið þannig að gosið frussaðist út um nefið á þér
(X) stungið út tungunni til að ná snjókorni
(X) dansað í rigningunni (Ítalía!)
(X) skrifað bréf til jólasveinsins
( ) verið kysst/ur undir mistilteini
(X) horft á sólarupprásina með einhverjum sem þér þykir vænt um
(X) blásið sápukúlur
( ) kveikt bál á ströndinni
( ) komið óboðin/n í partý..
( ) verið beðinn um að yfirgefa partýið
(X) farið á rúlluskauta/línuskauta
(X) hefur einhver óska þinna ræst
( ) farið í fallhlífastökk
(X) hefur einhver haldið óvænt boð fyrir þig

Þriðjudagurinn 21. mars 2006 klukkan 11:24

Mig langaði að deila með ykkur myndum af krúttlegu stelpunum sem ég er búin að vera í smá email sambandi við núna í nokkra mánuði. Þær heita Lindsay (til vinstri) og Molly (til hægri) og eru 8 og 10 ára. Ég rakst á síðuna þeirra á netinu fyrir tilviljun. Þær s.s. voru að leika í Annie í Bandaríkjunum og mér datt í hug að senda þeim email og það þróaðist þannig að við höfum verið að skrifast á. Við stefnum að því að hittast í London einhvern tíman og sjá nokkrar leiksýningar þar. Þær búa í St. Louis og eru mikið að leika í leikhúsunum þar. Molly er komin inn í að minnsta kosti tvær sýningar og Lindsay allavega eina. Þær eiga kost á einni í viðbót svo það er nóg að gera hjá þeim. Þær leika, syngja og dansa. Gaman að því.

Það var alveg brjálað að gera hjá mér um helgina...eða samt ekki, æji, það voru svona tarnir. Á laugardeginum var ég heima að taka til og læra og svona ýmsilegt. Mamma ætlaði að skutla mér að passa um kvöldið en svo hringdi Regína og bauðst bara til að sækja mig sem ég og þáði. Svo var ég bara að passa um kvöldið hana Anítu sem var alveg jafn mikið yndi og vanalega. Ekkert vesen. Þegar hún var sofnuð settist ég niður með tölvuna í fanginu og setti lokapunkt í ritgerð sem ég er búin að vera að skrifa. Það er heimspekiritgerð þar sem við máttum velja kvikmynd, leikrit, bók eða sjónvarpsþátt og skrifa um heimspekilegt vandamál sem þar væri að finna. Ég valdi Hungur, leikritið eftir hana Þórdísi Elvu sem var með mér í Annie og ég var búin að pæla mikið fyrst hvernig ég ætti að setja hana fram og svo þegar það var komið hvernig ég ætti að enda hana. Ég valdi ekki beint ,,save" aðferð við að enda og endaði á pælingu. Veit ekki alveg hvernig því verður tekið en það kemur þá bara í ljós. Ég skilaði svo ritgerðinni ýkt stolt í gærmorgun, með fínu forsíðunni sem ég gerði!

Daginn eftir vaknaði ég svo klukkan svona hálf tíu og fór fram að horfa á teiknimyndir með Anítu. Svo skutluðu þær mæðgur mér í Austurbæ, það var sýning á Hafinu og ég var náttúrulega á ljósunum. Sýningin gekk prýðilega - FYRIR HLÉ. En JE-SÚS-MINN hvað maður fékk fyrir hjartað eftir hlé. Það var einhver misræming í því þegar eitt lagið átti að byrja og leikararnir voru ekki á sama stað og hljóðmaðurinn og allt var í fokki...en jæja, það bjargaðist á endanum og þau, þessar elskur létu það ekki á sig fá og kláruðu sýninguna glæsilega.

Eftir sýninguna átti ég að fara í stúdíó að taka upp lag en því var frestað svo að ég fór bara heim að læra smá og svo borðuðum við kvöldmat og svo fórum ég, mamma og pabbi í leikhús. Við fórum að sjá Túskildingsóperuna. Frábær sýning og ég er fegin að við ákváðum að drífa okkur. Sko ég segi nú bara eins og pabbi sagði: Ég hélt að Ólafur Egill hafi verið geggjaður í Óliver! en það var bara frín við hliðina á þessu. Hann var geðveikur. Reyndar voru bara allir góðir. Halla Vilhjálms var búin að segja við mig á sýningu á Hafinu að hún ætlaði að leika þessa sýningu á Túskildingnum bara fyrir mig (allir: oooo sætt!). Hún var líka frábær, söng vel, góður leikur og sjíses hvað hún er liðug, manni varð bara illt að horfa á hana!

En núna er þetta orðið svo langt skýrslublogg að enginn nennir að lesa það svo ég óska þeim sem eru þó komnir þetta langt að vera að lesa þetta til hamingju! :D

Kv. Hreindís Ylva


Dream as if you were gonna live forever, Live as if you were gonna die today

Bara í Bandaríkjunum...

Heil og sæl.

Hérna er smá glaðningur fyrir ykkur lesendur...þetta er eitthvað sem er BARA TIL Í BANDARÍKJUNUM...

Ferlega falið eitthvað...EÐA EKKI!

Sko talandi um að nenna ekki að elda...Pylsugerðarvél...

Já, hver hefur ekki heyrt um þessa frægu risastóru hamborgara frá Bandaríkjunum...hér er einn, hver er svangur?

Þessi finnst mér frábær, þetta er logo frá skotvöruverlsun og á því er lítill, sætur bangsi með byssu, viðeigandi? Nei, ég held ekki...

Hahaha...allir í ræktina! Upp rúllustigann...

Og að lokum...BARA Í BANDARÍKJUNUM...

...getur William Hung orðið stórstjarna í tónlistarbransanum!

Vonandi hefur ykkur fundist þetta skemmtilegt, ég veit að ég hló mikið af þessu, sumt af þessu er bara algjört rugl! En þetta eru Bandaríkin, ekki það að ég hafi eitthvað á móti þeim, alls ekki! Þetta er bara svo fyndið...

En ég kveð...

Hreindís Ylva

Nokkur byrjendavandamál

Jæja
Ég er búin að vera að reyna að setja linka en ég held að það sé ekki alveg að ganga hjá mér...hmmm ekki nógu gott...Ef einhver kann á þetta kerfi á er ég í vandræðum með eftirfarandi...

1. Af hverju koma ekki linkarnir sem ég setti inn?
2. Hvernig geri ég nýjan tenglaflokk, ef ég ætla að flokka linkana mína?

Ef einhver kann þetta endilega segið mér galdurinn...

En afmælinu mínu var frestað, eins og ég sagði í síðasta bloggi vegna þess að ég hef ekki tíma. Mikið að gera um helgina, fara í stúdíó, söngtíma, passa, sýning, æfing, skirfa ritgerð og læra fyrir próf...alltaf gaman að lífinu þegar mikið er að gera...

En ég hef svo sem ekki mikið meira að segja núna svo ég kveð bara

Hreindís

Nýtt bloggsvæði

Ég var komin með rosalega mikið leið á gamla bloggsvæðinu svo ég ákvað að prófa þetta núna og sjá hvort mér líkar þetta betur.
Núna undanfarið hefur ýmsilegt verið að gerast. Alveg brjálað að gera í skólanu, ritgerðir, próf, stór verkefni og fyrirlestrar, bara alveg brjálað að gera.
Svo voru lúðrasveitartónleikar um daginn og þeir heppnuðust bara vel og ég spilaði sólóið mitt bara nokkuð vel. Var alveg þó nokkuð ánægð með sjálfa mig.
Svo eru alltaf sýningar á Hafinu bláa á sunnudögum núna, þar er ég á eltiljósi.
Svo er það bara Söngskólinn og svona.
En ég átti líka afmæli um daginn og um síðustu helgi hélt ég upp á það fyrir MH gellurnar. Við Petra héldum það saman vegna þess að við eigum afmæli með 9 daga millibili. Við byrjuðum klukkan 6 á því að fara á Pizza Hut og röltum svo aðeins í Smáralindinni og fórum svo í átta-bíó að sjá RENT. Það er söngleikjamynd og mér fannst hún alveg frábær. Krakkarnir sem leika aðalhlutverkin eru alveg frábær, flottir leikarar og frábærir söngvarar. Ágústa alveg grenjaði úr sér augun, ég get ekki sagt að ég hafi verið ósnortin en það sama er ekki alveg að segja um Hafdísi og Gróu, þær skemmtu sér við eitthvað allt annað, Gróa svaf og Hafdís gerði ekki neitt held ég, þeim þótti myndin AFAR leiðinleg.
En svo ætlaði ég að halda afmælið mitt fyrir Mosó-stelpurnar á næsta föstudaginn EN ég verð að vera stand by að rjúka í stúdíó út af laginu sem ég er að syngja. En ég mun halda upp á það á endanum...engar áhyggjur stelpur mínar!

En ég kveð að sinni, ætla að fara að leggja mig...

Kv. Hreindís Ylva